Energetik ichimlikni reklama qilgan MChJga chora koʻrildi

Raqobat qoʻmitasi tomonidan reklama qonunchiligini buzgan MChJga chora koʻrildi.

“Gorilla” energetik ichimligi reklamasini keng targʻib qilgan “AION BEVERAGES” MChJga nisbatan reklama qonunchiligi buzilishi yuzasidan tegishli taʼsir choralari koʻrildi.

Raqobat qoʻmitasi fuqaro murojaati asosida oʻrganishlar olib borgan. Natijada “AION BEVERAGES” MChJga qarashli avtotransport vositalarida reklama qonunchiligi buzilgan holatlar aniqlandi.

Xususan, Toshkent shahri, Yunusobod tumanida istiqomat qiluvchi fuqaro tomonidan yoʻllangan murojaatda tegishli avtotransport vositasida “Gorilla” energetik ichimligi reklamasi keng targʻib qilinishi haqida eʼtiroz bildirilgan.

Olib borilgan tekshiruvlarda “AION BEVERAGES” MChJga tegishli 106 ta avtotransport vositasida “Gorilla” energetik ichimligi reklamasi joylashtirilgani oqibatida “Reklama toʻgʻrisida”gi Qonun buzilishi aniqlandi. Qonunning 37-moddasi talablariga koʻra tashqi reklama va axborot obʼektlari orqali energetik ichimliklarni reklama qilish taqiqlanishi belgilangan.

Yuqoridagi holat yuzasidan Hududiy boshqarma Maxsus komissiyasi tomonidan “AION BEVERAGES” MChJga nisbatan “Reklama toʻgʻrisida”gi Qonunning tegishli moddalari talablari buzilishi yuzasidan ish qoʻzgʻatilib, ishni koʻrib chiqish yakunlari boʻyicha “AION BEVERAGES” MChJ tomonidan barcha 106 ta avtotransport vositasidagi reklama toʻliq bartaraf etilishi taʼminlandi.

Avvalroq qoʻmita 3,5 mlrd soʻmga yaqin davlat xaridlarida kamchiliklar aniqlagandi.

"Shargʻun koʻmir" buyurtmachiligida oʻtkazilgan tanlovda raqobat toʻgʻrisidagi qonunchilik talablari buzilgan.