Shavkat Umurzoqov oʻqituvchilar uchun 2 mlrd soʻm ajratadi
Mablagʻlar Toshkent shahar maktabgacha va maktab taʼlimi boshqarmasiga beriladi.
Toshkent shahar hokimi Shavkat Umurzoqov 16 sentabr kuni imzolagan farmoyish bilan byudjetdan 2 mlrd soʻm ajratiladi.
Ushbu pullar shahar mahalliy byudjetining zaxira jamgʻarmasi hisobidan poytaxtdagi taʼlim muassasalarida uzoq yillar davomida faoliyat yuritib kelayotgan oʻqituvchi va murabbiylarni taqdirlash, 1 oktabr – “Oʻqituvchi va murabbiylar kuni” munosabati bilan oʻtkaziladigan tadbirlarni yuqori saviyada tashkil etish uchun sarflanishi belgilangan.
Barcha mablagʻlar Toshkent shahar maktabgacha va maktab taʼlimi boshqarmasiga ajratiladi.
Maʼlumot uchun, 1 oktabr kuni Oʻzbekiston dam olish kuni hisoblanadi.