“Navbahor” futbol maktabi “Ayaks” akademiyasi boshqaruviga beriladi
Kelishuv muddati uch yilni tashkil etadi. Ushbu akademiyaning 11 nafar murabbiy, skaut va metodistlari Namanganga olib kelinadi.
“Navbahor” futbol maktabi “Ayaks” futbol akademiyasi boshqaruviga beriladi.
“Namanganga kelib, futbol haqida gapirmasak boʻlmaydi. Namanganlik yoshlar uchun futbol shunchaki oʻyin emas, bu – hayot tarzi. Har bir bola mahallada toʻp tepib katta boʻladi. “Navbahor”ning har bir oʻyini – shahar uchun katta bayram”, - dedi davlatimiz rahbari.
Yaqinda “Navbahor” futbol maktabini uch yil muddatga Niderlandiyaning mashhur “Ayaks” futbol akademiyasi boshqaruviga berish boʻyicha kelishuvga erishildi.
Ushbu akademiyaning 11 nafar murabbiy, skaut va metodistlari Namanganga olib kelinadi.
Prezident kelajakda bu akademiyada dunyoning "top" klublarida oʻynaydigan, jahon chempionatlarida oʻz mahoratini namoyon qiladigan koʻplab futbolchilar yetishib chiqishiga ishonch bildirdi.
Yigʻilish davomida hudud va tarmoqlar rahbarlarining hisobotlari tinglandi, tadbirkorlarning namunali tajribalari koʻrib chiqildi.