Oʻzbekiston jahon chempionatida ikkinchi oʻrinni egalladi

Boks boʻyicha Oʻzbekiston terma jamoasi jahon chempionatida jami 11 ta medalga ega chiqdi.

Abdumalik Xalokov ikkinchi bor jahon chempionligini qoʻlga kiritdi.

Boks boʻyicha Oʻzbekiston terma jamoasi aʼzosi Abdumalik Xalokov yana bir bor jahon chempionligiga erishdi. -60 kg vazn toifasida bahs olib borgan yurtdoshimiz finalda braziliyalik Luis Oliveyrani qiyinchiliksiz magʻlubiyatga uchratib oltin medalga sazovor boʻldi.

19 yoshli Akmaljon Isroilov jahon chempionligini qoʻlga kiritdi.

Oʻzbekiston terma jamoasi tarkibidagi eng yosh bokschi Akmaljon Isroilov (-85 kg) ham gʻalaba qozondi. Mezbon Tiyjn Stottga qarshi jang olib borgan 19 yoshli bokschimiz raqibini kuchli zarbalari oldida ojiz qoldirib, jahon chempionligiga sazovor boʻldi.

Shunday qilib, Liverpul shahrida boks boʻyicha dunyo birinchiligi poyoniga yetdi. Dunyoning 68 mamlakatidan 540 nafar bokschi ishtirok etgan musobaqada Oʻzbekiston terma jamoasi 6 ta oltin, 2 ta kumush va 3 ta bronza medallari bilan umumjamoa hisobida ikkinchi oʻrinni egalladi.

Oltin medal:

-60 kg: Abdumalik Xalokov

-65 kg: Asadxoʻja Moʻydinxoʻjayev

-75 kg: Fazliddin Erkinboyev

-80 kg: Javohir Ummataliyev

-85 kg: Akmaljon Isroilov

-92 kg: Toʻrabek Habibullayev

Kumush medal:

-65 kg: Navbahor Hamidova

+92 kg: Jahongir Zokirov

Bronza medal:

-48 kg: Sabina Boboqulova

-51 kg: Feruza Boboqulova

-75 kg: Aziza Zokirova