Namangandagi temir yoʻl kesishmasida YTH: olti kishi halok boʻldi
"Jentra" avtomobili yaqinlashib kelayotgan poyezd oldidan temir yoʻlni kesib oʻtishga uringan. Mashinistlar shoshilinch tormozni qoʻllashgan, ammo bu foyda bermagan.
Namanganda temir yoʻl kesishmasidagi YTH sabab olti kishi halok boʻldi.
2025 yil 13 sentabr kuni Chortoq va Uychi bekatlari oʻrtasidagi qoʻriqlanmagan temir yoʻl kesishmasida YTH sodir boʻldi. Bu haqda "Oʻzbekiston temir yoʻllari" xabar berdi.
"Jentra" avtomobili haydovchisi yoʻl harakati qoidalarini qoʻpol ravishda buzgan holda, yaqinlashib kelayotgan poyezd oldidan temir yoʻlni kesib oʻtishga uringan.
Maʼlumotlarga koʻra, mashinada olti kishi boʻlgan: besh ayol va kichik bola. Kuchli toʻqnashuv natijasida mashinada hech kim omon qolmagan.
Poyezd mashinistlari shoshilinch tormozni qoʻllashdi, ammo fojianing oldini olishning iloji boʻlmadi. Poyezdga ozgina zarar yetgan.
Ushbu hodisa haydovchilarning asosiy xavfsizlik standartlariga rioya qilmasligi masalasini yana bir bor koʻtaradi, deyiladi xabarda.
Eslatib oʻtamiz, oʻtgan hafta Angrendagi YTHda 11 kishi halok boʻlgandi.