Murodjon Ahmadaliyev mutlaq jahon chempionini yenga olmadi
12 raundlik chempionlik jangi toʻliq davom etdi. Yakunda hakamlar yapon bokschisi Naoya Inouening gʻalabasini qayd etdi.
Murodjon Ahmadaliyev yaponiyalik mutlaq jahon chempioni Naoya Inouedan magʻlubiyatga uchradi.
Nagoya shahrida joylashgan IG Arena majmuasida professional boks oqshomi nihoyasiga yetdi.
Musobaqaning asosiy bahsida ikkinchi eng yengil vazn toifasida yaponiyalik mutlaq jahon chempioni Naoya Inoue ushbu vazn toifasida WBA yoʻnalishi boʻyicha vaqtinchalik chempionlik kamari sohibi, hamyurtimiz Murodjon Ahmadaliyev bilan toʻqnash keldi.
12 raundlik chempionlik jangi toʻliq davom etdi.
Yakunda hakamlar bir ovozdan yapon bokschisining gʻalabasini qayd etishdi. Inoue chempionlik kamarlarini oʻzida saqlab qoldi.
Shunday qilib, 30 yashar hamyurtimiz faoliyatidagi 16-jangida 2-magʻlubiyatini qabul qilib oldi. 32 yoshli Naoya esa 31-jangida oʻzining 31-gʻalabasini nishonladi.