Havo harorati birdan salqinlashishi kutilmoqda
Keyingi haftaning birinchi yarmida Oʻzbekistonga salqin havo massalari kirib keladi. Harorat kunduzi 20-25 darajagacha pasayadi.
Oʻzbekistonda yakshanba kunidan boshlab harorat pasaya boshlaydi.
Ertaga Oʻzbekiston hududining katta qismida quruq va biroz issiq ob-havo saqlanib turadi. Havo harorati 30-35 daraja atrofida, janubda bugun kunduzi 37-39 darajagacha boʻladi.
Faqat Qoraqalpogʻiston Respublikasi va Xorazm viloyatida baʼzi joylarda qisqa muddatli yomgʻir yogʻadi, momaqaldiroq kuzatilishi mumkin. Kunduzgi harorat 20-25 darajagacha pasayadi.
Yakshanba kuni respublikaning barcha hududlari boʻyicha harorati pasaya boshlaydi. Havo harorati kunduzi 25-30 darajadan, janubda 33-35 darajadan yuqori boʻlmaydi.
Toshkentda: havo asosan biroz bulutli boʻladi, yogʻingarchilik kutilmaydi. Shamol sharqdan 3-8 m/s tezlikda esadi, 10-12 m/s gacha kuchayishi mumkin. Kunduzi havo harorati: bugun 33-35 daraja, ertaga 31-33 daraja, yakshanba kuni 27-29 daraja boʻladi.
Harorat asosan kechalari 16-19 daraja boʻladi.
Keyingi haftaning birinchi yarmida Oʻzbekiston hududiga salqin havo kirib kelishi davom etadi. Havo harorati kechalari 10-15 darajagacha, kunduz kunlari 20-25 darajagacha pasayadi. Respublikaning ayrim hududlarida qisqa muddatli yomgʻir yogʻishi, momaqaldiroq boʻlishi mumkin.