Nukusdagi portlashda 10 ga yaqin harbiy xizmatchi jarohatlandi
Oʻquv mashgʻuloti uchun moʻljallangan portlovchi maxsus vositaning detonatsiya shnuri chaqnashi sabab kichik portlash yuzaga kelgan.
Nukusdagi portlashda 10 ga yaqin harbiy xizmatchi jarohatlandi.
Bu haqda Milliy gvardiya maʼlumot berdi.
Joriy yilning 10 sentabr kuni Nukus dala oʻquv maydonida, amaliy oʻquv mashgʻuloti tashkillashtirilgan.
Mashgʻulot davomida oʻquv mashgʻuloti uchun moʻljallangan portlovchi maxsus vositaning detonatsiya shnuri chaqnashi natijasida kichik portlash yuzaga kelib, mashgʻulot ishtirokchilaridan 10 ga yaqin harbiy xizmatchi turli darajadagi tan jarohatlari olishgan.
Ularga oʻz vaqtida birinchi tibbiy yordam koʻrsatilgan va hozirda koʻrilgan zarur choralar natijasida harbiy xizmatchilarning sogʻligi tiklanmoqda.
Holat yuzasidan esa xizmat surishtiruvi tayinlangan hozirda mutasaddi rahbarlar tomonidan oʻrganish ishlari olib borilmoqda, deyiladi xabarda.