Qozogʻistonda sunʼiy intellekt boʻyicha vazirlik tashkil etiladi
Prezident Toʻqayev mamlakat uch yil ichida toʻliq raqamlashishini bildirdi. U mazkur vazifani "strategik" deb atadi.
Qozogʻistonda sunʼiy intellekt boʻyicha vazirlik tuziladi.
Qozogʻiston prezidenti Qosim-Joʻmart Toʻqayev yangi sunʼiy intellekt va raqamli rivojlanish vazirligi tashkil etilishini eʼlon qildi. Bu haqda u 2025 yil 8 sentabrdagi murojaatnomasida aytgan.
Qozoq rahbarining soʻzlariga koʻra, yangi vazir bir vaqtning oʻzida Bosh vazir oʻrinbosari vazifasini ham bajaradi. Vazirlikni tashkil etish toʻgʻrisidagi qaror mamlakat taraqqiyotining asosiy yoʻnalishlariga aylanib borayotgan raqamli texnologiyalar va sunʼiy intellekt sohasidagi ishlarni kuchaytirishga qaratilgan.
Boshqarma tuzilmasi va kim rahbar sifatida tayinlanishi haqida tafsilotlar hozircha maʼlum qilinmagan.
Avvalroq Qozogʻiston tashqi ishlar vaziri Murat Nurtleu ushlangani haqida xabar tarqalgandi. Ushbu xabar keyinchalik rad etildi.
Vazirning oʻzi bugun jamoatchilik oldida koʻrinish berdi.