Angrenda dahshatli avariya sodir boʻldi
Hozircha rasmiylar qurbonlar haqida rasmiy maʼlumot berishni istamayapti.
Bugun, 7 sentabr soat 12:20 larda Toshkent viloyati Angren shahri hududidan oʻtgan A-373 "Toshkent-Oʻsh" xalqaro avtomobil yoʻlida bir nechta mashina ishtirokida yoʻl-transport hodisasi sodir boʻlgan.
Toshkent viloyati IIBBning maʼlum qilishicha, holat yuzasidan Jinoyat kodeksining 266-moddasi 3-qismi bilan jinoyat ishi qoʻzgʻatilib, hozirda tergov-surishtiruv harakatlari olib borilmoqda (Odamlar oʻlishiga sabab boʻlgan transport vositalari harakati yoki ulardan foydalanish xavfsizligi qoidalarini buzish).
Ayrim manbalar va guvohlarning xabariga koʻra, hodisa oqibatida jabrlanganlar va qurbonlar bor. Ammo rasmiylar ular haqida axborot bermayapti.