Endilikda ismni mashinaga raqam qilib qoʻyish mumkin boʻladi
Bu tartib 2026 yil 1 yanvardan amalda boʻladi. Nomlar qonunchilik va axloqiy normalarga xilof maʼnoga ega boʻlmasligi kerak.
Oʻzbekistonda ham ismni mashinaga raqam qilib qoʻyish mumkin boʻladi.
Hukumatning 562-son qarori bilan Oʻzbekistonda ham ismni mashinaga raqam qilib qoʻyishga ruxsat beriladi.
Hujjatga koʻra, 2026 yil 1 yanvardan boshlab “Uzavtomotobelgi” davlat unitar korxonasiga aholining talab va taklifidan kelib chiqqan holda avtomototransport vositalari uchun oltitagacha harf va (yoki) raqamlar kombinatsiyasidan iborat boʻlgan “noyob” davlat raqami belgilarini ochiq kim oshdi elektron savdolarini oʻtkazish orqali berish huquqi berildi.
Bunda “noyob” davlat raqami belgilari amaldagi davlat raqami belgilarini takrorlamasligi, qonunchilikka va axloqiy normalarga xilof maʼnoga ega boʻlmasligi kerak.
Masalan, endi koʻchalarda “ZEBO”, “ELBEK”, “AZIZA”, “ODIL” yoki “BUXORO” deb yozilgan raqamli mashinalarni koʻrishimiz mumkin.