Putin Oʻzbekistonga yangi elchi tayinladi
Avval mazkur lavozimda Oleg Malginov ishlab kelayotgandi.
Rossiya prezidenti Vladimir Putinning farmoni bilan Oʻzbekistonga yangi elchi tayinlandi. Hujjat bugun, 5 sentabr kuni eʼlon qilingan.
Unga koʻra, Aleksey Yerxov Rossiyaning Oʻzbekistondagi yangi elchisi etib tayinlandi. Bungacha u Rossiyaning Turkiyadagi diplomatik vakolatxonasiga rahbarlik qilgan.
Avval Rossiyaning Oʻzbekistondagi elchisi sifatida Oleg Malginov ishlab kelayotgandi. U 2021 yilda lavozimga tayinlangandi.