Magistratura natijalari eʼlon qilindi
Javoblarni my.edu.uz elektron tizimi orqali bilish mumkin.
Magistratura qabul natijalari eʼlon qilinmoqda.
2025-2026-oʻquv yili uchun davlat oliy taʼlim tashkilotlarining magistratura mutaxassisliklariga qabul boʻyicha my.edu.uz elektron tizimi orqali onlayn roʻyxatdan oʻtgan fuqarolarning arizalari toʻliq koʻrib chiqildi.
Talabgorlar natijalarni my.edu.uz elektron tizimi orqali shaxsiy kabinetidan bilishlari mumkin.
Eslatib oʻtamiz, 14 avgust kuni 2025/2026 oʻquv yili uchun oliy taʼlim muassasalarining bakalavriat taʼlim yoʻnalishlariga kirish test sinovlari boʻyicha tanlov natijalari eʼlon qilingandi.