SpaceX'dan katta natija: Starship raketasi muvaffaqiyatli uchirildi
Obʼekt sakkizta Starlink sunʼiy yoʻldoshini koinotga olib chiqdi. Soʻngra Hind okeaniga tushib, portlab ketdi.
Space X oʻzining Starship raketasini muvaffaqiyatli uchirdi.
Raketa koinotga sakkizta Starlink sunʼiy yoʻldoshini olib chiqdi - bu raketa uchun birinchi muvaffaqiyatli yuk sinovi sanaladi.
Gap nima haqida?
Raketa Texasdagi Starbase uchirish maydonidan koʻtarilgan. Parvoz paytida Super Heavy kuchaytirgichi (raketaning birinchi bosqichi vazifasini bajaradi) barcha 33 dvigatelni ishga tushirdi. Taxminan yetti daqiqadan soʻng, raketaning yuqori pogʻonasi ajralib chiqdi va parvozini davom ettirdi va maksimal balandlik deyarli 200 kilometrga etdi.
Super Heavy asosiy qismdan ajralib chiqdi, yerga qaytib keldi, tushish paytida qoʻnish tormozini muvaffaqiyatli ishlatdi va Meksika koʻrfaziga choʻkib ketdi.
Parvoz taxminan bir soat davom etdi. Keyin raketaning yuqori bosqichi ortga qaytib, Hind okeaniga tushgan va portlab ketdi. SpaceX barcha asosiy sinov maqsadlariga erishilganini xabar qildi.
Bu Starship raketasining oʻninchi sinovi boʻldi. Raketa avvalgi uchta uchirishda muvaffaqiyatli qoʻna olmadi va iyun oyida u parvozga tayyorlanayotgan vaqtda uchirish maydonchasida portlab ketdi.
CNN maʼlumotlariga koʻra, SpaceX nihoyat kemaning ushbu versiyasini Yer atmosferasida portlamagan holda, u bilan aloqani yoʻqotmasdan qaytarish yoʻlini topgan koʻrinadi.