Bosh prokuror, mudofaa va ichki ishlar vazirlarining harbiy unvonlari oshirildi
Nigʻmatilla Yoʻldoshevga 2-darajali davlat adliya maslahatchisi maxsus unvoni berildi.
Oʻzbekiston Respublikasi Prezidentining tegishli farmonlari bilan qator mansabdoroarga yangi unvonlar berildi.
Jumladan, Bosh prokuror Nigʻmatilla Yoʻldoshevga 2-darajali davlat adliya maslahatchisi maxsus unvoni taqdim etildi.
Mudofaa vaziri Shuhrat Xolmuhamedovga general-leytenant harbiy unvoni berildi.
Oʻzbekiston Respublikasi ichki ishlar vaziri Aziz Toshpoʻlatovga ham general-leytenant maxsus unvoni berildi.
Avvalroq Prezident bir guruh davlat xizmatchilari va ijtimoiy-iqtisodiy soha xodimlarini mukofotlagandi.
Ular ichida Administratsiya, Vazirlar Mahkamasi xodimlari, olimlar, ishchilar va boshqalar bor.