platina.uz
Sport

Futbol oʻyinlariga chipta xarid qilish identifikatsiya orqali amalga oshiriladi

Iqtidorli futbolchilarni saralab olish, ularni professional futbolchi sifatida tayyorlash tizimi toʻliq raqamlashtiriladi. 

Futbol oʻyinlariga chipta xarid qilish identifikatsiya orqali amalga oshiriladi

2026 yil 1 martdan futbol oʻyinlariga chiptalarni xarid qilishda yangi tizim ishga tushadi.

Oʻzbekistonda futbol sohasi raqamlashtiriladi.

“Oʻzbekistonda futbol sohasini raqamlashtirish va ommaviyligini yanada oshirish chora-tadbirlari toʻgʻrisida”gi Prezident qarori (PQ–262-son, 21.08.2025 y.) qabul qilindi.

Mamlakatimizda futbolni yanada rivojlantirishning asosiy maqsadlari etib quyidagilar belgilandi, jumladan:

- moddiy-texnik bazani xalqaro talablarga moslashtirish va futbol maydonlarini koʻpaytirish orqali futbol bilan muntazam shugʻullanuvchilar sonini oshirish;

- iqtidorli futbolchilarni saralab olish, ularni professional futbolchi sifatida tayyorlash tizimini toʻliq raqamlashtirish.

Qarorga koʻra, “Milliy futbol elektron platformasi” axborot tizimi yaratiladi.

2026 yil 1 yanvardan tajriba-sinov tariqasida futbol akademiya va maktablarining oʻquv mashgʻulotlarini onlayn kuzatish, futbolchilar seleksiyasi hamda tibbiy va jismoniy koʻrsatkichlarini monitoring qilish mazkur axborot tizimi orqali amalga oshiriladi.

2026 yil 1 martdan futbol oʻyinlariga chiptalarni xarid qilish shaxsni identifikatsiya qilish hamda matritsali shtrix-kod (QR kod) texnologiyalarini qoʻllashni nazarda tutuvchi maxsus onlayn axborot tizimi orqali amalga oshiriladi.

Milliy futbol markazida quyidagilar tashkil etiladi:

- iqtidorli futbolchilarni erta aniqlash boʻyicha Raqamli futbol situatsion markazi;

- futbol uchrashuvlarini markazlashgan tarzda video yordamchi hakam (VAR) tizimidan foydalangan holda kuzatish uchun “VAR” markazi;

- axborot tizimidagi maʼlumotlarni saqlash uchun “DATA futbol” markazi.

Shuningdek, Oʻzbekiston futbol assotsiatsiyasi huzurida “Legionerlar klubi” faoliyati yoʻlga qoʻyiladi.

“Legionerlar klubi”ga xorijda faoliyat yuritayotgan (yuritgan) oʻzbekistonlik yuqori mahoratli professional futbolchilar va boshqa futbol mutaxassislari jalb qilinadi.

© 2025 Platina.uz. Barcha huquqlar himoyalangan. «Platina.uz» saytida joylangan ma'lumotlar muallifning shaxsiy fikri. Saytda joylangan har qanday materiallardan yozma ruxsatsiz foydalanish ta'qiqlanadi.
O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 02.12.2022 sanasida №051412 sonli guvohnoma bilan OAV sifatida roʻyxatga olingan.
Platina.uz saytida reklama joylashtirish masalasida +998 97 022 01 10 telefon raqamiga (Telegram: Platina PR) murojaat qiling. Tahririyat bilan aloqa: info@platina.uz
18+

Ilovamizni yuklab olish

iOSAndroid