Iordaniya podshohi Abdulla II Oʻzbekistonga keladi
Asosiy siyosiy tadbirlar Samarqandda boʻlib oʻtadi, savdo-iqtisodiy va investitsiyaviy hamkorlikni rivojlantirish, kimyo, farmatsevtika va boshqa masalalar koʻriladi.
Iordaniya podshohi Oʻzbekistonga keladi.
Oʻzbekiston Prezidenti Shavkat Mirziyoyevning taklifiga binoan Iordaniya Hoshimiylar Podshohligi Podshohi Abdulla II ibn al-Husayn 25-26 avgust kunlari davlat tashrifi bilan mamlakatimizda boʻladi.
Oliy martabali mehmon tashrifining asosiy tadbirlari Samarqand shahrida boʻlib oʻtadi.
Sammit kun tartibidan siyosiy, savdo-iqtisodiy va investitsiyaviy hamkorlikni rivojlantirish, kimyo, farmatsevtika, qishloq xoʻjaligi, toʻqimachilik, konchilik va boshqa tarmoqlarda kooperatsiyani yoʻlga qoʻyish, madaniy-gumanitar almashinuvni kengaytirish masalalari oʻrin olgan.
Xalqaro va mintaqaviy siyosatning dolzarb jihatlari yuzasidan ham fikr almashiladi.
Muzokaralar yakunida ikki tomonlama bitimlar toʻplami imzolanishi koʻzda tutilgan.
Eslatib oʻtamiz, yaqinda prezident Shavkat Mirziyoyev Turkmanistonda boʻlib qaytgandi.