Hokim yordamchilari jami 40 mlrd soʻmlik kreditni talon-toroj qildi

Fargʻonada 2024 yilda 10 nafar va joriy yilning oʻtgan davrida 16 nafar hokim yordamchisi jami 40 mlrd soʻmlik kredit mablagʻlarini talon-toroj qilgan. Aniqlangan holatlar yuzasidan jinoyat ishlari qoʻzgʻatilgan.

Oʻtkazilgan nazorat tadbirlari davomida Fargʻona shahrida faoliyat yurituvchi hokim yordamchilari 1666 ta holatda 37 mlrd soʻm imtiyozli kredit mablagʻlarini maqsadsiz sarflab, talon-toroj qilgan.

Misol uchun, Qirguli mahallasidagi hokim yordamchisi T. Quva tumanida yashovchi 3 nafar fuqaro nomiga 33 mln soʻmdan ularning xabarisiz kredit rasmiylashtirib, talon-toroj qilgan.

Maʼlumot oʻrnida, Prezidentning 2021 yildagi PQ-55-sonli qarorida hokim yordamchilari oʻziga biriktirilgan mahallalarda dasturlar doirasida ajratilgan kreditlardan maqsadli foydalanishi va ularning samaradorligini monitoring qilib borish choralarini koʻrishi belgilangan.