OTMlarda oʻqish qachon boshlanishi maʼlum qilindi
Birinchi bosqich talabalari uchun yangi oʻquv yili 3 sentabrdan boshlanadi.
OTMlarda oʻqish qachon boshlanishi aniq boʻldi.
Yangi oʻquv yili 1-kurslar uchun 3 sentabrdan, yuqori kurslarga 8 sentabrdan boshlanadi.
Gap nima haqida?
Oliy taʼlim, fan va innovatsiyalar vazirining tegishli buyrugʻi bilan oliy taʼlim tashkilotlari va akademik litseylarda yangi 2025/2026-oʻquv yilini boshlash sanalari tasdiqlangan.
Unga koʻra:
-akademik litseylarning barcha bosqich oʻquvchilari va oliy taʼlim tashkilotlarining 1-bosqich talabalari uchun dars jarayonlari 2025 yil 3 sentabrdan;
-oliy taʼlim tashkilotlarining 2- va undan yuqori bosqich talabalari uchun 8 sentabrdan boshlanadi.
Oliy taʼlim tashkilotlarida birinchi bosqichga qabul qilingan talabalar uchun “Kredit taʼlimi tizimiga kirish” haftaligi hamda “Talabalikka bagʻishlov” tadbirlari tashkil etiladi.
Eslatib oʻtamiz, Mustaqillik bayrami munosabati bilan faqat 1 sentabr kuni dam olish berilishi maʼlum boʻlgandi.