Namanganda taqiqlangan tashkilot gʻoyalari taʼsiriga tushgan 21 kishi qoʻlga olindi
Ularning toʻrt nafariga ayblov eʼlon qilingan. Qolganlarga nisbatan esa tergov davom etmoqda.
Namangan viloyatida xalqaro terroristik tashkilot gʻoyalari taʼsiriga tushgan shaxslarning noqonuniy harakatlariga chek qoʻyildi.
DXX va Namangan viloyati IIB xodimlari oʻtkazgan tezkor tadbirlarda "Islom davlati" terroristik tashkiloti taʼsiriga tushgan 21 nafar shaxs qoʻlga olindi.
Gap nima haqida?
Ushbu jamoat yetakchisi Pop tumanida yashab kelayotgan shaxs boʻlgan. U ayni paytda Janubiy Koreyada mavsumiy ishlab kelayotgan shaxs bilan tanishib, uning taʼsirida Telegram kanal ochib, taqiqlangan materiallar joylab kelgan.
Ular oʻzaro sharʼiy nikoh oʻqitib, kelgusida jangovar harakatlar boʻlayotgan hududlarga ketishni reja qilgan.
Ular yana kanallar ochib, ularga yaqin qarindoshlarini jalb qilishgan va jang sahnalari, amaldagi tuzumni agʻdarish boʻyicha materiallarni joylashgan.
Hozirda jamoatning 4 nafar aʼzosiga JKning 244-moddasi 1 va 2-qismlari doirasida jinoiy ish ochilib, ikki kishi qamoqqa olingan. Qolgan 17 kishiga nisbatan tergov ishlari olib borilmoqda.
DXX avvalroq Surxondaryoda energetika mansabdori, Fargʻonada Xalq qabulxonasi xodimini pora ushlagandi.
Mansabdor fermer xoʻjaligi qarzdor ekaniga qaramay, elektr tarmogʻiga qayta ulab berish evaziga pul talab qilgan.