Asilbek Ashurov Sharof Rashidov tumani hokimi etib tayinlandi
Tumanning avvalgi rahbari iyul oyida pora olayotganda qoʻlga olingandi.
Jizzaxning Sharof Rashidov tumaniga yangi hokim tayinlandi.
22 avgust kuni Sharof Rashidov tumanida Xalq deputatlari tuman Kengashining navbatdan tashqari sessiyasi boʻlib oʻtdi.
Kun tartibida tashkiliy masala koʻrildi. Unda viloyat hokimi Sharof Rashidov tumani hokimi lavozimiga — Ashurov Asilbek Raxmonovich nomzodini deputatlarga tavsiya etdi.
Viloyat hokimining Ashurov Asilbek Raxmonovichni Sharof Rashidov tumani hokimi etib tayinlash toʻgʻrisidagi qarori deputatlar tomonidan bir ovozdan maʼqullandi.
Eslatib oʻtamiz, Ashurov Asilbek Raxmonovich 2022 yildan buyon Paxtakor tumani hokimi lavozimida faoliyat yuritib kelayotgan edi.
Tumanning avvalgi rahbari M. Xolboʻtayev iyul oyida pora bilan qoʻlga olingandi.