Mustaqillik bayramiga qoʻshimcha dam olish berilmaydi
Kambagʻallikni qisqartirish va bandlik vazirligi bu boʻyicha alohida eslatma bilan chiqdi.
Mustaqillik bayramida qoʻshimcha dam olish kunlari berilmaydi va dam olish kunlari ham koʻchirilmaydi.
Kambagʻallikni qisqartirish va bandlik vazirligining eslatishicha, barcha odatdagidek ishlaydi va dam oladi. Faqat bir kun – 1 sentabr, dushanba kuni hammaga dam beriladi.
- 5 ish kuni ishlovchilar 3 kun – 30 avgust (shanba), 31 avgust (yakshanba) va 1 sentabr (bayram) kunlari;
- 6 ish kunida ishlovchilar 2 kun – 31 avgust (yakshanba) va 1 sentabr (bayram) kunlari dam oladi.
Katta bayramlarda ketma-ket dam olish eʼlon qilish yaxshi anʼanaga aylangan edi. Masalan, 2024 yilda oʻzbekistonliklar ketma-ket 4 kun dam olishga chiqishgan edi: 31 avgust va 1-3 sentabr kunlari.