PSJ irodali tarzda Yevropa superkubogini qoʻlga kiritdi
"Tottenxem" oʻn daqiqa ichida gʻalabani qoʻldan chiqardi.
Yevropa superkubogi gʻolibi maʼlum boʻldi.
Superkubok sovrini uchun PSJ va "Tottenxem" oʻzaro toʻqnash keldi va yakunda parijliklar dramatik tarzda gʻalaba qozonishdi.
Uchrashuvning 85-daqiqasiga qadar angliyaliklar 2:0 hisobida oldinda edi. Ammo fransuz klubi vaziyatni oʻngladi. Asosiy vaqt durang bilan yakunlandi.
Qoʻshimcha vaqtlarda hisob oʻzgarmadi. Natijada penaltilar seriyasi belgilandi. Seriyada parijliklarga omad kulib boqdi.
PSJ - "Tottenxem" 2:2 (penaltilar seriyasi 4:3)
Gollar: Li (85), Ramos (90+4) - van de Ven (39), Romero (48).
Eslatib oʻtamiz, PSJ Yevropa chempionlar ligasi, "Tottenxem" esa Yevropa ligasi gʻolibi sanaladi.