Hayvonlarni identifikatsiya qilish va roʻyxatga olishning muddatlari belgilandi

Hayvonlarni identifikatsiya qilishning muddatlari belgilandi.

“Hayvonlarni identifikatsiya qilish, roʻyxatga olish va kuzatish toʻgʻrisida”gi Qonun (OʻRQ–1079-son, 06.08.2025 y.) qabul qilindi.

Qonunga koʻra, Oʻzbekiston hududida jismoniy yoki yuridik shaxslar tomonidan saqlanadigan va (yoki) koʻpaytiriladigan hayvonlar belgilangan tartibda identifikatsiya qilinishi hamda roʻyxatga olinishi kerak.

Veterinariya va chorvachilikni rivojlantirish qoʻmitasi mazkur sohada vakolatli davlat organidir.

Qonunda hayvonlarni identifikatsiya qilish va roʻyxatga olishning quyidagi muddatlari belgilangan:

- qoramol, koʻy, echki va tuyalar – tugʻilganidan 14 kundan keyin;

- otlar – tugʻilganidan 4 oydan keyin;

- choʻchqalar tugʻilganidan – 1 oydan keyin;

- itlar va mushuklar – tugʻilganidan 3 oydan keyin.

Bunda hayvonlar koʻrsatilgan muddatlar tugaganidan keyin 1 oydan kechiktirmay identifikatsiya qilinishi va roʻyxatga olinishi kerak.

Saqlash va (yoki) koʻpaytirish maqsadida Oʻzbekistonga olib kiriladigan hayvonlar olib kirilgan sanadan eʼtiboran 21 kundan kechiktirmay identifikatsiya qilinishi lozim.