Yaman qirgʻoqlarida 50 dan oshiq muhojir choʻkib ketdi

Yaman qirgʻoqlarida 50 nafardan oshiq migrant choʻkib ketdi.

Yaman qirgʻoqlari yaqinida qayiq halokati oqibatida halok boʻlganlar soni 54 kishiga yetdi, deya xabar bermoqda Reuters tibbiyot xodimlariga asoslanib. Agentlik maʼlumotlariga koʻra, qayiq noqulay ob-havo sharoiti tufayli choʻkib ketgan.

Yamanning Mareb Press nashri xabariga koʻra, qayiqdagi yoʻlovchilarning aksariyati Efiopiyadan kelgan noqonuniy muhojirlar boʻlgan.

Ular arab davlatlaridan (jumladan Saudiya Arabistoni) qoʻnim topish maqsadida ketayotgan boʻlgan. Xitoyning “Sinxua” agentligining xabar berishicha, dastlabki maʼlumotlarga koʻra, qayiqda 150 kishi boʻlgan. Ularning oʻnlablari bedarak yoʻqolgan.

Sinxua agentligining xabardor manbasiga koʻra, qayiq 2 avgust kuni choʻkib ketgan. 3 avgust kuni ertalabdan beri Shakra va Zanzibar shaharlari plyajlarida 20 dan ortiq oʻlik muhojirlar jasadi topilgan. 12 kishi shifoxonaga yetkazilgan. Abyane shahri huquq-tartibot idoralari choʻkib ketgan muhojirlarning jasadlarini qidirishni davom ettirmoqda.