Shavkat Mirziyoyev amaliy tashrif bilan Turkmanistonga bordi
Prezidentni aeroportda Turkman xalqining milliy yetakchisi Gurbanguli Berdimuhamedov kutib oldi.
Oʻzbekiston Respublikasi Prezidenti Shavkat Mirziyoyev Turkmaniston Prezidenti Serdar Berdimuhamedovning taklifiga binoan amaliy tashrif bilan ushbu mamlakatga keldi.
Turkmanboshi shahri aeroportida davlatimiz rahbarini Turkman xalqining milliy yetakchisi, Xalq Maslahati Raisi Gurbanguli Berdimuhamedov kutib oldi.
Oʻzbekiston yetakchisi 5 avgust kuni BMTning Dengizga chiqish imkoni boʻlmagan rivojlanayotgan mamlakatlar boʻyicha uchinchi konferensiyasida qatnashadi. Shuningdek, Markaziy Osiyo davlatlari rahbarlarining yettinchi Maslahat uchrashuviga tayyorgarlik koʻrish masalalariga bagʻishlangan maxsus tadbirda ishtirok etadi hamda qator ikki tomonlama muzokaralar oʻtkazadi.