Saken Poʻlatov Asian Boxing vitse-prezidenti etib saylandi
U 2019 yildan beri Oʻzbekiston boks federatsiyasi raisining birinchi oʻrinbosari ham hisoblanadi.
Saken Poʻlatov Asian Boxing vitse-prezidenti etib saylandi. Bu haqda Milliy olimpiya qoʻmitasi xabar berdi.
Tailandda oʻtayotgan boks boʻyicha U19 va U22 yosh toifalaridagi Osiyo chempionati doirasida Asian Boxing tashkilotining Kongressi boʻlib oʻtdi. Mazkur anjumanda tashkilot rahbariyati tarkibi shakllantirib olindi.
Jumladan, Oʻzbekiston boks federatsiyasi raisi birinchi oʻrinbosari Saken Poʻlatov Asian Boxing tashkilotining vitse-prezidenti lavozimiga saylandi.
Saken Poʻlatov 1975 yilda Toshkent shahrida tugʻilgan. Maʼlumoti oliy. U bir necha yil sport sohasida, jumladan Toshkentning "Lokomotiv" futbol klubi tizimida faoliyat olib borgan. Saken Poʻlatov 2019 yildan beri Oʻzbekiston boks federatsiyasi raisining birinchi oʻrinbosari hisoblanadi.