Shavkat Mirziyoyev issiqxonalarning ekologiyaga salbiy taʼsiri muammosini hal etishni topshirdi
Issiqxonalar toifasidan qatʼi nazar, yer soligʻini qishloq xoʻjaligi yerlari stavkasida toʻlashi belgilandi.
Prezident yigʻilishida issiqxonalar va ularning ekologiyaga taʼsiri masalasi koʻtarildi.
Bundan buyon issiqxonalar, toifasidan qatʼi nazar, yer soligʻini qishloq xoʻjaligi yerlari stavkasida toʻlashi belgilandi. 2028 yilga qadar issiqxona ishchilari uchun ijtimoiy soliq stavkasi 12 foizdan 1 foizga tushiriladi.
Soliq qoʻmitasiga butun tizimi, tahliliy va aql markazlarini safarbar etib, issiqxonalardan qisqartirilgan gaz qaysi sohalarga yoʻnaltirilgani va ularning samaradorligini oʻrganish, agar gaz berilgan boshqa sohalarda qoʻshilgan qiymat kam boʻlsa, gazni issiqxonalarga yoʻnaltirish topshirildi.
Ekologik vaziyatni hisobga olgan holda, Toshkent viloyatidagi issiqxonalar faoliyatining havo sifatiga salbiy taʼsiri bilan bogʻliq muammolarni uzil-kesil hal qilish vazifasi qoʻyildi.
“Barcha eshitib olsin: issiqxonalar bu – oziq-ovqat xavfsizligi, iqtisodiy xavfsizlik masalasi hisoblanadi”, - dedi Prezident.
Tegishli idoralarga sohada qatʼiy nazorat oʻrnatish topshirildi.
Avvalroq prezident issiq va sovuqqa, suvsizlikka chidamli mahsulotlar yetishtirishga oʻtishi zarurligi taʼkidlagandi.