Mudofaa vazirligi tizimida yangi tayinlovlar eʼlon qilindi
Polkovnik Qodirjon Tursunov Janubi-gʻarbiy maxsus harbiy okrug qoʻshinlari qoʻmondoni lavozimiga tayinlandi. Bungacha u mudofaa vaziri oʻrinbosari sifatida ishlayotgandi.
Mudofaa vazirligi tizimida qator tayinlovlar amalga oshirildi.
General-mayor Farhodjon Shermatov Oʻzbekiston Respublikasi harbiy xavfsizlik va mudofaa universiteti boshligʻining birinchi oʻrinbosari lavozimiga tayinlandi.
Tayinlovga qadar u Janubi-gʻarbiy maxsus harbiy okrug qoʻshinlari qoʻmondoni lavozimida faoliyat yuritgan.
Polkovnik Qodirjon Tursunov Janubi-gʻarbiy maxsus harbiy okrug qoʻshinlari qoʻmondoni lavozimiga tayinlandi. Tayinlovga qadar u Oʻzbekiston Respublikasi mudofaa vazirining jangovar tayyorgarlik boʻyicha oʻrinbosari lavozimida faoliyat yuritgan.
Polkovnik Qahramonjon Zoidov Oʻzbekiston Respublikasi harbiy xavfsizlik va mudofaa universitetining Quruqlikdagi qoʻshinlar instituti boshligʻi lavozimiga tayinlandi.
Polkovnik Abdulla Xamrayev Oʻzbekiston Respublikasi harbiy xavfsizlik va mudofaa universitetining Harbiy aviatsiya instituti boshligʻi lavozimiga tayinlandi.
Podpolkovnik Baxtiyor Rahimov Oʻzbekiston Respublikasi harbiy xavfsizlik va mudofaa universitetining Axborot-kommunikatsiya texnologiyalari va aloqa harbiy instituti boshligʻi lavozimiga tayinlandi.
Tibbiy xizmat polkovnigi Ulugʻbek Rasulov Oʻzbekiston Respublikasi harbiy xavfsizlik va mudofaa universitetining Harbiy tibbiyot instituti boshligʻi lavozimiga tayinlandi.
Eslatib oʻtamiz, kecha prezident yigʻilishida Oʻzbekiston harbiy xavfsizlik va mudofaa universiteti tashkil etilishi maʼlum qilingandi.