Qirgʻizistonda internetga davlat monopoliyasi joriy etilmoqda
Davlatga tegishli boʻlgan "Elkat" MChJ yagona internet-operatorga aylanadi. Bu chora vaqtincha ekani aytilmoqda.
Qirgʻiziston prezidenti Sadir Japarov 15 avgustdan mamlakatda internetga davlat monopoliyasini joriy etish toʻgʻrisidagi farmonni imzoladi.
Davlatga tegishli boʻlgan “Elkat” MChJ yagona internet-operatorga aylanadi. Bu haqda jurnalistlarga davlat rahbari matbuot xizmati xabar berdi.
Mamlakatdagi boshqa barcha internet-operatorlar qaror bilan ikki oy muddatda amaldagi shartnomalarini "Elkat"ga oʻtkazishlari shart.
Axborot agentliklari keltirgan hujjat matniga koʻra, bu chora vaqtinchalik. “Test rejimi” 2025 yilning 15 avgustidan 2026 yilning 14 avgustigacha davom etadi.
Ayni vaqtda farmonda “xalqaro internet-trafikni yetkazib berish va taʼminlash” boʻyicha davlat monopoliyasi haqidagi ibora keng qoʻllanilgan.
Sadir Japarov “jamiyatning axloqiy qadriyatlarini himoya qilishga” qaratilgan chora sifatida porno saytlarni taqiqlovchi qonunni ham imzoladi.
Qonunga koʻra, internet-provayderlar va sayt egalari nazorat organlari soʻrovidan keyin 24 soat ichida pornografik xususiyatdagi elementlarni oʻz ichiga olgan kontentni oʻchirib tashlashi shart.