Andijonda avtomobillarga texnik xizmat koʻrsatish shoxobchasida bir kishi xalok boʻldi
Shoxobcha ichida boʻlgan "Labo" avtomashinasi toʻliq yonib ketgan, yana bir kishi ogʻir jarohat olgan.
Asaka tumanida avtomobillarga texnik xizmat koʻrsatish shoxobchasida sodir boʻlgan yongʻinda bir kishi halok boʻldi.
Bosh prokuratura xabariga koʻra, hodisa yuzasidan Jinoyat kodeksining 259 (Yongʻin xavfsizligi qoidalarini buzish) moddasi bilan jinoyat ishi qoʻzgʻatildi.
Dastlabki olingan maʼlumotlarga koʻra, yongʻin oqibatida bir nafar shaxs vafot etgan, bir nafari esa ogʻir tan jarohati olgan.
Shoxobcha ichida boʻlgan "Labo" rusumli avtomashinasi toʻliq yonib ketgan.
Jinoyat ishi doirasida sud-tibbiy, yongʻin sabablari boʻyicha yongʻin-texnikaviy va boshqa zarur ekspertizalar tayinlangan.
Tergov harakatlari davom etmoqda.
Avvalroq Koʻkdaladagi gaz toʻldirish shoxobchasida yuz bergan portlashda toʻrt kishi halok boʻlgandi.