Avgust oyida ob-havo qanday boʻladi? "Oʻzgidromet" maʼlumot berdi
Ushbu oy asosan quruq boʻlishi kutilmoqda. Respublika hududining katta qismida oy davomida yomgʻir yogʻishi ehtimoli kam.
Joriy yilning avgust oyida bizni qanday ob-havo kutmoqda? "Oʻzgidromet" bu haqda maʼlumot berdi.
Avgust oyi quruq va biroz issiq ob-havo bilan boshlanadi.
Oyning katta qismida harorat asosan kunduzi 34-37 daraja atrofida, janubda baʼzi joylarda 40-41 darajagacha boʻladi. Bunday harorat yoz fasli uchun juda qulay boʻlib, u avgust oyidagi oʻrtacha yillik qiymatlarga yaqindir.
Kechalari harorat asosan 18-23 daraja boʻladi.
Uchinchi oʻn kunlikda harorat kechalari asta-sekin 13-18 darajagacha, kunduz kunlari 30-35 darajagacha, janubda 36-38 darajagacha pasayadi.
Avgust oyi asosan quruq boʻlishi kutilmoqda. Respublika hududining katta qismida oy davomida yomgʻir yogʻishi ehtimoli kam.
Eslatib oʻtamiz, 17iyuldan boshlab, Oʻzbekiston hududiga juda issiq ob-havo oqimlari kirib keldi. Oʻtgan hafta oxirlaridan ob-havo harorati pasaya boshladi.