Yarim yilda giyohvand moddalar bilan bogʻliq 7 mingdan oshiq jinoyat aniqlandi
Xususiy shifoxonalarga esa foydalanilgan giyohvandlik vositalaridan boʻshagan ampulalarni yoʻq qilish vakolati berilmoqda.
Oʻzbekistonda narkotik moddalar bilan bogʻliq jinoyatlar statistikasi eʼlon qilindi.
Joriy yilning I yarmida huquq-tartibot idoralarining saʼy-harakatlari natijasida:
- 7 311 ta narkojinoyatlar aniqlandi;
Jinoyatlarning:
- 38 foizini giyohvandlik vositalarini oʻtkazish maqsadisiz saqlash (JK 276-m);
- 38 foizini giyohvandlik vositalarini oʻtkazish (JK 273-m);
- 13 foizini taqiqlangan ekinlarni yetishtirish (JK 270-m);
- 10 foizini boshqa holatlar (JK 186³, 251, 251¹, 246, 271, 274, 275-m) tashkil etadi.
Shuningdek, Narkotiklarni nazorat qilish milliy markaziga koʻra, 1,6 tonna giyohvandlik vositalari, psixotrop va kuchli taʼsir qiluvchi moddalarning noqonuniy muomalasiga chek qoʻyildi.
Giyohvandlik vositalarining 61 foizini “gashish”, 19 foizini “opiy”, 12 foizini “marixuana” va 8 foizini boshqa moddalar tashkil etgan.
Xususiy shifoxonalar ayrim toʻlovlardan ozod etiladi. Bu boʻyicha qonunchilikda yangi tartib belgilanmoqda.
Endilikda, xususiy shifoxonalarga foydalanilgan giyohvandlik vositalaridan boʻshagan ampulalarni yoʻq qilish vakolati berilmoqda.
Maʼlumot uchun: hozirda boʻsh ampulalar faqatgina davlat tibbiyot muassasalari tomonidan shartnoma asosida yoʻq qilib kelinmoqda. Bu esa xususiy shifoxonalardan keraksiz toʻlovlarni undirilishiga sabab boʻlmoqda edi.