Oʻzbekiston jahon pasportlari reytingida oʻrnini yaxshiladi

Oʻzbekistonning kuchli pasportlar reytingidagi oʻrni oʻzgardi. Bu haqda The Henley Passport Index maʼlumot berdi.

Unda Oʻzbekiston 74-oʻrinni egalladi. Mamlakat fuqarolari 62 yoʻnalishga vizasiz bora oladi.

Markaziy Osiyo davlatlarining reytingdagi oʻrni quyidagicha:

-Qozogʻiston – 63-oʻrin (79 ta yoʻnalish);

- Qirgʻiziston – 73-oʻrin (63 ta yoʻnalish);

- Oʻzbekiston – 74-oʻrin (62 ta yoʻnalish);

- Tojikiston – 80-oʻrin (56 ta yoʻnalish);

- Turkmaniston – 85-oʻrin (49 ta yoʻnalish).

Oʻzbekiston bundan avvalgi reytingda 80-oʻrinni qayd etgandi.

Birinchi oʻrinni Singapur band etgan (193 davlat). Keyingi oʻrinlarni esa Yaponiya va Janubiy Koreya egalladi. Rossiya va Turkiya 46-oʻrinda (114 davlat).

Eng soʻnggi pogʻonalarni Afgʻoniston, Suriya va Iroq egallagan.