OAV: Suriya prezidentiga yetti oy ichida uch bor suiqasd qilindi
Ushbu holatlar Suriya va turk xavfsizlik kuchlari amaliyotida bartaraf etilgan.
Bashar Asaddan keyin Suriyada hokimiyatni qoʻlga olgan Ahmad ash-Sharaaga soʻnggi yetti oy ichida uchta suiqasd amalga oshirilgan.
Yeni Safak gazetasining yozishicha, Ediot Ahronot nashrining eksklyuziv hisobotida aytilishicha, hujumlardan kamida bittasi Turkiya xavfsizlik kuchlarining bevosita aralashuvi bilan bartaraf etilgan.
OAV maʼlumotlariga koʻra, ash-Sharaaga birinchi suiqasd poytaxt Damashqdagi “Qasr ash-Shab” saroyi tashqarisida sodir boʻlgan. Shubhali harakatni payqagan turk xavfsizlik kuchlari zudlik bilan aralashib, hujumchini zararsizlantirdi.
Ikkinchi suiqasd Iordaniya bilan chegaradosh Dara viloyatida sodir etilgan. Suriya va Turkiya xavfsizlik kuchlari Sharaaning mintaqaga tashrifi chogʻida ikki gumondorni qoʻlga oldi. Diversion manevr tufayli hujum bartaraf etildi. Hodisa jamoatchilik eʼlon qilmasdan yopildi.
Uchinchi va eng jiddiy suiqasd rejasi Damashqdagi maʼlum bir marshrutda qurolli pistirma boʻlgan. Turk va mahalliy razvedka tomonidan soʻnggi daqiqada aniqlangan hujum amalga oshirilmasdan oldin oldi olindi. Bu voqeadan koʻp oʻtmay, prezidentning Damashqni toʻsatdan tark etishi diqqatni tortdi.
Isroil va arab ommaviy axborot vositalari Sharaa hech qanday maʼlumotni jamoatchilikka oshkor qilmaslik haqida buyruq berganini xabar qildi.
Avvalroq Isroil va Suriya kelishuvga erishgani xabar berilgandi.