Rossiya Oliy sudi raisi vafot etdi
Irina Podnosova prezident Putin bilan kursdosh boʻlgan va bir yil avval yuqori lavozimni egallagandi.
Rossiya Oliy sudi rahbari vafot etdi.
Rossiya Oliy sudi raisi Irina Podnosova Moskvada vafot etdi. Bu haqda TASS marhumaning atrofidagi shaxslarga asoslangan holda xabar berdi.
Maʼlumot sud idorasida ham tasdiqlandi, deb yozadi “Interfaks”. "Irina Leonidovna vafot etdi", deyiladi agentlik xabarida oʻlim sababi keltirilmagan holda.
Manbalarga koʻra, u ogʻir kasallik natijasida vafot etgan.
71 yoshli Podnosova oʻtgan yilning aprel oyida Rossiya Oliy sudi rahbari etib tayinlangan edi.
Irina Podnosova Rossiya prezidenti Vladimir Putinning kursdoshi edi. 1975 yilda Podnosova Vladimir Putin bilan bir vaqtda Jdanov nomidagi Leningrad davlat universitetining yuridik fakultetini tamomlagan.
Oliy sudga oʻtishdan oldin Podnosova Leningrad viloyat sudi va umumiy yurisdiksiyaning ikkinchi apellyatsiya sudini boshqargan. 2024 yilning 23 fevralida 1989 yildan beri Rossiya Oliy sudiga rahbarlik qilgan (oʻsha paytda u hali RSFSR Oliy sudi edi) Vyacheslav Lebedev vafot etgandi.