DXX raisi Afgʻoniston mudofaa vaziri bilan uchrashdi
Uchrashuvda Bahodir Qurbonovning ikki oʻrinbosari ham ishtirok etgan.
DXX raisi Afgʻoniston mudofaa vaziri bilan uchrashdi. Bu haqda afgʻonistonlik vazirning X sahifasida xabar berilgan.
22 iyul kuni Oʻzbekiston Davlat xavfsizlik xizmati raisi, general-polkovnik Bahodir Qurbonov Kobul shahrida Afgʻoniston islom amirligi Milliy mudofaa vaziri vazifasini bajaruvchisi Mulla Muhammad Yoqub bilan uchrashgan.
Uchrashuvda DXX raisining oʻrinbosari Farrux Muxtorov, rais oʻrinbosari chegara qoʻshinlari qoʻmondoni Salimjon Hasanov va boshqa rasmiy delegatsiya aʼzolari qatnashdi.
Oʻzbekiston delegatsiyasi Afgʻonistondagi xavfsizlik holati va iqtisodiy taraqqiyotdan mamnun ekanini, ikki tomonlama munosabatlarni mustahkamlash muhimligini taʼkidlagan.