Toshkent shahar prokurori lavozimi hozircha vakant
Platina.uz ushbu masala yuzasidan Bosh prokuratura matbuot xizmati bilan bogʻlandi.
Toshkent shahar prokurori lavozimi hozircha vakant boʻlib turibdi. Bu haqda Bosh prokuratura matbuot xizmati rahbari Hayot Shamsutdinov Platina.uzʼga maʼlum qildi.
Ayrim nashrlar Anvar Oʻrmonov Toshkent shahar prokurori vazifasini bajaruvchi etib tayinlangani haqida yozgan.
Lekin Oʻrmonov ushbu lavozimni egallamagan, u prokurorning birinchi oʻrinbosari sifatida rahbarlik lavozimini vaqtincha bajarib turibdi.
Eslatib oʻtamiz, Toshkent shahar prokurori lavozimida faoliyat yuritib kelgan Erkin Yuldashev Oʻzbekiston Respublikasi Prezidenti Administratsiyasining Komplayens xizmati boshligʻi lavozimiga tayinlangan.