BRICS sport tashkilotining Oʻzbekistondagi vakili tayinlandi
2026 yilda BRICS oʻyinlarida taekvando ITF sportchilari ilk bor ishtirok etadi.
Oʻzbekiston taekvando ITF Milliy Assotsiatsiyasi rahbari Laziz Hasanov BRICSning Strategik loyihalar xalqaro alyansi sport markazi vitse-prezidenti, shuningdek, Oʻzbekistondagi rasmiy vakili etib tayinlandi.
BRICS sport tashkiloti doirasidagi mazkur tayinlov Oʻzbekiston sportining xalqaro maydondagi nufuzini yanada oshirish, koʻp tomonlama hamkorlik aloqalarini rivojlantirish va yosh avlod uchun xalqaro sport imkoniyatlarini kengaytirishda muhimdir.
Eslatib oʻtamiz, Taekvando ITF 2025 yilda rasman BRICS oʻyinlari dasturiga qoʻshildi.
Ushbu voqea taekvando tarixida ilk marta ushbu sport turining BRICS xalqaro sport maydonida rasmiy tan olinishi boʻldi.
2026 yilda Rossiyaning Sochi shahrida boʻlib oʻtadigan navbatdagi BRICS oʻyinlarida taekvando ITF sportchilari ilk bor ishtirok etadi.