Toshkent shahar IIBB inspektori qoʻlga olindi
U haydovchilik guvohnomasini olib berish evaziga pul talab qilgan.
Haydovchilik guvohnomasi olib berish evaziga pul talab qilgan inspektor ushlandi.
Toshkent shahar IIBB Jamoat tartibini saqlash boshqarmasining Patrul-post xizmati inspektori xizmat mavqeini suiisteʼmol qilgan holda oʻzganing ishonchiga kirgan.
U fuqaroning Navoiy viloyatida yashovchi, 1995 y.t. tanishini davlat imtihonidan muvaffaqqiyatli oʻtkazib, unga haydovchilik guvohnomasini olib berishini aytadi.
DXX Toshkent shahar boʻyicha boshqarmasi va Bosh prokuratura huzuridagi Departament xodimlari hamkorligida Yunusobod tumanida oʻtkazilgan tezkor tadbirda inspektor 1500 AQSh dollari va kirish imtihoni uchun toʻlanishi lozim boʻlgan 1 mln 900 ming soʻm pul mablagʻlarini olgan vaqtida ashyoviy dalillar bilan ushlandi.
Holat yuzasidan unga nisbatan Jinoyat Kodeksining 168 va 211-moddalari bilan jinoyat ishi qoʻzgʻatilib, qamoq ehtiyot chorasi qoʻllanildi.
Hozirda tergov harakatlari olib borilmoqda.
Avval Mirobod tumani ichki ishlar boshqarmasining boʻlinma boshligʻi ushlangandi.