Shoir Nusrat Abdusalom olamdan oʻtdi
Uning "Sozim mening" (1999), "Muhabbat yogʻdusi" (2010) nomli kitoblari nashr qilingan.
Taniqli shoir Nusrat Abdusalom vafot etdi.
Bu haqda Oʻzbekiston Yozuvchilar uyushmasi xabar berdi.
Shoir 1945 yil 20 mayda Andijon shahrida tugʻilgan. Uning “Sozim mening” (1999), “Muhabbat yogʻdusi” (2010) nomli kitoblari nashr qilingan. "Yoshlar bayozi", “Andijon shoir va yozuvchilari”, “Hovli toʻla bolalar”, “Qirq oyoq va qirq paypoq”, “Alisher Navoiy gʻazallariga muxammaslar”, “Avvalgilarga oʻxshamas”, “Mushoira” kabi respublika jamoa toʻplamlariga ijod namunalari kiritilgan.
U Oʻzbekiston Yozuvchilar uyushmasi Andijon viloyati boʻlimi qoshidagi “Orzu” va “Yogʻdu” adabiy toʻgaraklari rahbari edi.
Nusrat Abdusalom 2024 yilda Oʻzbekiston Yozuvchilar uyushmasi aʼzoligiga qabul qilingan.