Prezident Administratsiyasi rahbariga oʻrinbosarlar tayinlandi
Hilola Umarova Administratsiya rahbarining taʼlimni isloh qilish boʻyicha oʻrinbosari etib tayinlandi va vazir lavozimidan ozod etildi.
Prezident Administratsiyasi rahbariga oʻrinbosarlar tayinlandi.
Oʻzbekiston Respublikasi Prezidentining tegishli farmoni bilan:
Hilola Oʻktamovna Umarova Oʻzbekiston Respublikasi Prezidenti Administratsiyasi rahbarining taʼlimni isloh qilish boʻyicha oʻrinbosari lavozimiga tayinlandi va shu munosabat bilan Oʻzbekiston Respublikasi maktabgacha va maktab taʼlimi vaziri lavozimidan ozod etildi;
Tamila Anvarovna Aliyeva Oʻzbekiston Respublikasi Prezidenti Administratsiyasi rahbarining tibbiyotni isloh qilish boʻyicha oʻrinbosari lavozimiga tayinlandi;
Timur Nuryigitovich Butunbayev Oʻzbekiston Respublikasi Prezidenti Administratsiyasi rahbarining suv taʼminoti tizimini isloh qilish boʻyicha oʻrinbosari lavozimiga tayinlandi va shu munosabat bilan Oʻzbekiston Respublikasi suv xoʻjaligi vazirining birinchi oʻrinbosari lavozimidan ozod etildi;
Nodira Jalalovna Xakimova Oʻzbekiston Respublikasi Prezidenti Administratsiyasi rahbarining sud tizimini isloh qilish boʻyicha oʻrinbosari lavozimiga tayinlandi;
Sherzod Farxod oʻgʻli Ozodzoda Oʻzbekiston Respublikasi Prezidenti Administratsiyasi rahbarining tadbirkorlik loyihalari boʻyicha oʻrinbosari lavozimiga tayinlandi va shu munosabat bilan Oʻzbekiston Respublikasi Prezidenti Administratsiyasi iqtisodiyot va tadbirkorlik sohasida muhim tashabbuslarni ishlab chiqish boshqarmasi boshligʻi lavozimidan ozod etildi;
Dilnoza Muradovna Ziyamuxamedova Oʻzbekiston Respublikasi Prezidenti Administratsiyasi rahbari kotibiyati mudiri lavozimiga tayinlandi va shu munosabat bilan Oʻzbekiston Respublikasi Prezidentining yordamchisi kotibiyati mudiri lavozimidan ozod etildi.