Dunyo xaritasida yangi davlat paydo boʻladi
Yangi Kaledoniya 1853 yildan beri Fransiya hududi hisoblanadi. Dastlab mahbuslar uchun surgun joyi sifatida foydalanilgan Yangi Kaledoniyada nikelning boy zaxiralari aniqlangandi.
Fransiyada yangi davlat — Yangi Kaledoniyani yaratish boʻyicha kelishuvga erishildi. Bu haqda Politico nashri xabar berdi.
Yangi Kaledoniya kelajagini belgilovchi siyosiy harakatlar Fransiyaning chet el hududiga keng avtonomiya beradigan kelishuvni eʼlon qildi.
Shartnoma Yangi Kaledoniya uchun alohida fuqarolikni yaratish va xalqaro munosabatlar sohasidagi vakolatlarni yangi davlatga oʻtkazishni nazarda tutadi. Biroq qayd etilishicha, mamlakat Parijdan butunlay mustaqil boʻlmaydi.
Hujjat kuchga kirishi uchun Fransiya parlamenti tomonidan ovozga qoʻyilishi va orollar aholisining oʻzlari tomonidan referendumda maʼqullanishi kerak.
Tinch okeanidagi arxipelag boʻlgan Yangi Kaledoniya 1853 yildan beri Fransiya hududi hisoblanadi. Dastlab mahbuslar uchun surgun joyi sifatida foydalanilgan Yangi Kaledoniya nikelning boy zaxiralari tufayli asta-sekin rivojlana boshladi. Mahalliy aholi - kanaklar uzoq vaqtdan beri oʻz huquqlarini tan olish va muxtoriyatni kengaytirish uchun kurashib kelgan.
Yangi Kaledoniya uchun mustaqillik masalasi koʻp marta koʻtarilgan. 2018, 2020 va 2021 yillarda orollarda referendumlar oʻtkazildi, unda aholining aksariyati Fransiyadan toʻliq mustaqillikka qarshi ovoz berdi.