Texasdagi suv toshqinlari oqibatida salkam 80 kishi halok boʻldi
Texasning bir qancha okruglarida favqulodda holat eʼlon qilingan, koʻplab yoʻllar vayron boʻlgan va telefon liniyalari uzilgan.
AQSh hukumatining soʻnggi maʼlumotlariga koʻra, Texas shtatidagi kuchli suv toshqini qurbonlari soni 78 kishiga yetdi.
Kerr okrugi sherifi Larri Lita 6 iyul kuni kechqurun jurnalistlarga okrugda tasdiqlangan oʻlimlar soni 68 taga yetganini aytdi.
Bundan sal avvalroq Texas gubernatori Greg Abbott Kerr okrugiga qoʻshni tumanlarda 10 kishi halok boʻlganini aytgandi.
Texasning bir qancha okruglarida favqulodda holat eʼlon qilingan, koʻplab yoʻllar vayron boʻlgan va telefon liniyalari uzilgan.
Gubernatorning bayonoti vaqtida Kerrda halok boʻlganlar soni 59 kishini tashkil qilgan, ulardan 21 nafari bolalar. Yana 41 kishi, jumladan, 10 nafar qiz bedarak yoʻqolgan.
Oʻlgan va bedarak yoʻqolgan bolalar Kerrvil shahri yaqinidagi Kemp Mistic yozgi lagerida kuchli yomgʻirdan keyin toʻsatdan qirgʻoqlaridan toshib ketgan daryo yaqinida boʻlgan.
Avvalroq 24 qurbon haqida xabar berilgan, oʻnlab odamlar yoʻqolgani aytilgandi.
