Taniqli aktyor Julian Makmexon vafot etdi
U "Fantastik toʻrtlik" filmida doktor Dum rolini ijro etgan.
Avstraliyalik aktyor Julian Makmexon 56 yoshida vafot etdi.
Bu haqda Deadline nashri xabar berdi.
Aktyor saraton kasalligi bilan uzoq davom etgan kurashdan soʻng 2 iyul kuni vafot etdi. Turmush oʻrtogʻining soʻzlariga koʻra, "Makmexon umrining oxirigacha oilasi, ijodi va muxlislariga sodiq boʻlib qolgan".
Julian Makmexon turli teleseriallardagi rollari tufayli mashhurlikka erishdi. U dastlab Koul Tyorner, doktor Kristian Troy rollari orqali mashhur boʻldi.
U shuningdek, "Fantastik toʻrtlik" filmida doktor Dum rolini ijro etgan va "FQB: Eng koʻp qidirilganlar" nomli drama orqali ham muxlislar eʼtirofiga sazovor boʻldi.