HAMAS ikki oylik sulhga rozi boʻldi
Harakat darhol Isroil bilan bilvosita muzokaralarni boshlashga tayyorligini bildirgan.
Falastinning HAMAS harakati Gʻazoda 60 kunlik otashkesim va garovga olinganlarni ozod qilish haqidagi oxirgi taklifga ijobiy javob berdi.
Harakat darhol Isroil bilan bilvosita muzokaralarni boshlashga tayyorligini bildirdi, deb yozadi The Times of Israel.
"Harakat birodar vositachilar (Misr va Qatar)ga oʻz javobini taqdim etdi, bu ijobiy munosabatni oʻz ichiga oladi. U ushbu asosni amalga oshirish mexanizmi boʻyicha muzokaralarning yangi raundini darhol va jiddiy tarzda boshlashga toʻliq tayyor", - deyiladi HAMAS bayonotida.
Shu bilan birga, gazeta XAMASning javobi “yengib oʻtish qiyin boʻlgan toʻsiq boʻlgan asosiy masalalar boʻyicha shartlarni oʻz ichiga olganini” yozadi.
Unda aytilishicha, Isroil avvalroq Qoʻshma Shtatlar tomonidan taklif qilingan asosga rozi boʻlgan, "garovga olinganlar boʻyicha kelishuv taklifiga HAMASning javobini olgan va uning mazmunini oʻrganmoqda".
Avvalroq HAMAS vositachilar orqali olgan AQSh taklifi yuzasidan Falastin yetakchilari va fraksiyalari bilan maslahatlashayotgani haqida bayonot bergan edi.
The New York Times gazetasining yozishicha, HAMAS harbiy qanotining yangi rahbari Izzaddin al-Haddod Gʻazodagi urushni butunlay tugatish uchun yo "sharafli bitim" tuzadi yoki mojaro "ozodlik urushi yoki shahidlar urushi"ga aylanadi.
Biroz avval Isroil AQShning 60 kunlik otashkesim boʻyicha taklifiga rozi boʻlgani xabar berilgandi.