Indoneziyada parom choʻkib ketdi: oʻnlab odamlar bedarak ketdi, qurbonlar bor
Hodisa mashhur kurort joy sanalgan Bali oroli yaqinida sodir boʻldi.
Indoneziyaning Bali oroli yaqinida parom choʻkib ketdi, oʻnlab odamlar bedarak yoʻqoldi.
Orol yaqinida yoʻlovchi paromining choʻkib ketishi oqibatida kamida 60 kishi bedarak yoʻqolgan, deya xabar beradi mahalliy hukumat.
Xabar qilinishicha, hodisa parom Yava orolidan joʻnab ketganidan taxminan 25 daqiqa oʻtib sodir boʻlgan.
Paromda 53 yoʻlovchi va 12 ekipaj aʼzosi boʻlgan, deb xabar bermoqda AFP qidiruv-qutqaruv xizmatlariga tayanib.
Parom operatorining mahalliy OAVga aytishicha, kema choʻkib ketishidan biroz oldin dvigatelda muammolarga duch kelgan.
Banyuvangi politsiyasi boshligʻi Rama Samtama Putraning AFP'ga aytishicha, hodisa oqibatida toʻrt kishi halok boʻlgan, 23 kishi qutqarilgan.