Shavkat Mirziyoyev 2-4 iyul kunlari Ozarbayjonga boradi
Boku shahrida Oliy davlatlararo kengashning ikkinchi yigʻilishi va boshqa oliy darajadagi tadbirlar boʻlib oʻtadi.
Oʻzbekiston Respublikasi Prezidenti Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan 2-4 iyul kunlari davlat tashrifi bilan ushbu mamlakatda boʻladi.
Tashrif dasturiga muvofiq, 2-3 iyul kunlari Boku shahrida Oliy davlatlararo kengashning ikkinchi yigʻilishi va boshqa oliy darajadagi tadbirlar boʻlib oʻtadi.
Oʻzbekiston bilan Ozarbayjon oʻrtasidagi doʻstlik, strategik sheriklik va ittifoqchilik munosabatlarini yanada mustahkamlash, hamkorlikning ustuvor yoʻnalishlarida kooperatsiya va almashinuvlarni kengaytirish masalalari koʻrib chiqiladi.
Oʻzbekiston Prezidenti 4 iyul kuni Xonkendi shahrida Iqtisodiy hamkorlik tashkilotining 17-sammitida ishtirok etadi va qator ikki tomonlama uchrashuvlar oʻtkazadi.