Haj mavsumida 8 oʻzbekistonlik vafot etdi
Ulardan toʻrt nafari ziyoratga noqonuniy yoʻllar bilan borgan.
2025 yilgi Haj ziyoratida 8 oʻzbekistonlik vafot etdi.
Bu yilgi Haj ibodati paytida kuzatilgan jazirama natijasida va surunkali kasalligi boʻlgan toʻrt nafar vatandosh Saudiya Arabistonida vafot etdi.
Shuningdek, Oʻzbekiston musulmonlari idorasining ogohlantirishlariga qaramay bu yilgi Haj mavsumiga noqonuniy yoʻllar bilan borgan yana toʻrt nafar oʻzbekistonlik ham ushbu mamlakatda olamdan oʻtdi.
Bundan tashqari, Haj ibodati tugaganidan soʻng Bosh konsulxonaga 40 nafardan ziyod ziyoratchilar xorijga chiqish pasportlarini yoʻqotgani bois Oʻzbekistonga qaytish guvohnomasini rasmiylashtirish uchun murojaat qilgan.
Joriy yildagi Haj mavsumiga oʻzbekistonlik hojilarning Saudiya Arabistoniga kelishlari 13 maydan boshlanib, 30 mayga qadar davom etdi.
Shuningdek, Haj ibodatlari tugaganidan soʻng hojilarning Oʻzbekistonga qaytib ketishi 12 iyundan boshlandi. Soʻnggi hojilar 29 iyun kuni havo qatnovlari orqali Vatanga qaytishdi.