Toshkentdagi Oliy sud binosida chiroq oʻchdi
Platina.uz avvalroq bu mavzu haqida yozib, Energetika vaziriligining quruq vaʼdalarini eslatib chiqqandi.
Toshkent shahrida bugun kunduz kuni chiroq oʻchib qoldi. Bu Oliy sud axborotidan maʼlum boʻldi.
"Oliy sud binosida elektr taʼminoti bilan bogʻliq uzulishlar kuzatilayotganligi munosabati bilan Oliy sudning barcha interaktiv xizmatlari faoliyati vaqtincha toʻxtatilgan", deyiladi xabarda.
Platina.uz avvalroq "Vaʼdaboz energetiklar" nomli maqola yozib, unda tizimga ajratilayotgan shuncha mablagʻ va subsidiyalar samarasizligini tanqid qilgandi. Vazirlik haligicha munosabat bermadi.
Oliy sud yuzaga kelgan noqulayliklar uchun uzr soʻragan, ammo bu uzilish haqida na vazirlik, na "Hududiy elektr tarmoqlari" sahifasida biror xabar bor.